Simenn kréyòl an lisé-la dèpi vandrèdi 19 jis pou vandrèdi 26 òktòb

Toulélanné lakadémi ka woutyenn on gwo lidé pou simenn kréyòl-la. Ni dézan nou woulé si sa Lafrik pòté, lanné pasé sé té zansèt mérendyen an nou ki té alonnè. Lanné-lasa sé Léwòp : sa i lésé adan mès é labitid kréyòl-la. Onlo manifèstasyon ké fèt alantou a sa : ki an lang, ki an kilti, ki an listwa avè zélèv LKR é pwofésè a yo, silon dokiman konséyé pédagojik paré si sijé-la... Zòt kay ni pwogram-la vitman é zòt tout ja envité ki pou lèspozisyon, ki pou kozé, ki pou dikté-la... Granmèsi pou zòt é fòs pou sé zélèv-la i ké (...)

tèks zélèv ka maké silon tèm-la yo ka étidyé la

Aprédavwa nou byen woulé anlè kwayans é kwayandiz an nou sé zélèv-la té ni a maké on tèks ola nou pa ka fè diférans ant lavérité é sa nou pé ka kwè pou montré kwayandiz an nou adan nou, nou ka viv toulongalé épi yo .

Gidonnaj pou bak kréyòl ki pou lékri, ki pou loral.

Dènyé kout gidon avan lègzanmen...Sa i pa ni chans trapé pofésè pou apwann zòt paré bak-la, mi détwa larèl pou zòt konnèt avan zò ay lègzanmen. Men sa ki ni pofésè, zò pé jété on zyé osi davwa “ fò ou sav halé kannòt a-w anba zanmann”.

Kontan vwè zòt

isidan zòt ké pé vwè, gadé kijan kréyòl-la ka woulé andidan lisé-la ; ki sé andidan bway a lékòl-la menm men osi alantou, an lisé-la menm kon simenn kréyòl, entèwvènan i ka vin ba sé zélèv-la lavwa, ba yo piplis lenfòmasyon anlè sijé ka entérésé yo é yo andwa konnèt anlè kilti a yo (mizik, manjé, listwa...)